上個星期三睇黃貫中，唔使問阿貴，當然係好睇，不過一開場就唱新歌，佢大哥碟又未出，共嗚感自然欠奉，好在之後好歌連場，亦俾在下批死一定會唱朱茵主題曲"無得比"，哈哈，不過最美中不足係請來Soler做嘉賓，唉，大佬，都唔o岩channel，好在兩條友仔唱"海嘯"唔係唱yeah he yeah ah o 的"失暈"，如果唔係，我都真係暈。
最後當然唔少得同阿Paul合照，每次見到佢大哥的指定動作，係咪好正先。
Soft Hard X Paul Wong
http://www.youtube.com/watch?v=KFXmhajo1-k
輪到今晚，趕頭趕命趕收工仆去睇HOCC處女個唱，真係意外地好睇，個個觀眾都好投入，企起身不特止，仲由開場唱到散場，有時睇演唱會，唔只係睇歌手演出，氣氛都好緊要，今晚真係效果一流，雖然我只係有八成歌識唱，但都比現場氣氛影響下好投入地去睇，真係睇得好開心，但相比起關淑怡演唱會，個人評分依然係關小姐最高，HOCC只能排第二，不過以她第一次個唱表現來說，的確係唔錯。
至於衣著上，由劉培基親自設計的紅金色歌衫，的確好有阿梅影子，感覺好壓台，雖則係過氣裁縫，似乎仲有少少料到。
